අපේ සින්දු ගෙදර

පවනට සැලෙනා දොඹ මල් සුවඳින්
ආදර හසරැලි මුවට නැඟෙයි දෝ
සවනට කොඳුරා පවසන වදනින්
ආදර හැඟුමන් සිතට දැනෙයි දෝ

මල් ඇතිරුන ඒ සුව යහනේ ඔබ
අඩවන් දෙනෙතින් ආල වඩයි දෝ
මා ඇකයේ සිට පොඩි පුතු හඬනා
ඒ දුක්බර හඬ ඔබට ඇසෙයි දෝ

ඇකයේ සිට මා පුතු හඬනා සඳ
ලේ කිරි වීදැයි නොදනිමි මා ළඳ
අසරණ දෙනෙතින් පුතු දෙස බැලු සඳ
දුටුවේ වැගිරුනු කඳුළු පමණි ළඳ

ගායනය : ටී.එම්. ජයරත්න

මාල ගිරා ගෙල - මාල පොටක් බඳු
ගෝමර පෙති මාලේ
පාට සරුංගල් - පාට නෙලා
රුව තිලෙනා ලීලේ

වතු සුදු මල සේ මා
වත රූසරු බෝමා
කෝළ කෝමළ වරුනේ
සිත බැඳුනා ළඳුනේ

කෙකටිය සුදට සුදේ
සිරිමල් කැකුළු මුවින්
ටිකිරි හිනා බිංදු
මට දෙනවද ළඳුනේ

කදිම උවම් යොදලා
කවි සීපද ගොතලා
හීතල දුරුතු මහේ
කියමුද අපි ළඳුනේ

ගායනය : ටී.එම්. ජයරත්න