අපේ සින්දු ගෙදර

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....
සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....

වළාකුලකුදු නොමැති අහසේ
මලානික වූ මගෙ සිතුවිලි
ගල් ගැසී ඇත පාළු වී ඇත
කදුළ පමණක් රජ වෙලා........

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....

ඔබේ පැල්පත මගේ පැල්පත
අතර ඇත්තේ රැයක් පමණයි
ගව් ගනන් දුර ජීවිතේ බර
මගේ හිස මත රජ වෙලා.........

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....
සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා....... තනි වෙලා.....

ගායනය : කසුන් කල්හාර

එක් පෙති මලක් විය නුඹ මගෙ අත් දෙකට
නෙලා නොගත්තේ මගෙ බෝසත් කමට
හැර ගිය දිනේ නාවත් මා ගම් දොරට
ආවේ ඇයි ද විරහී හිත අද්දරට

විස්මිත ගමට අදහන්නට බෑ තවම
මා හැර දමා නුඹ ගිය මග ගැන අරුම
සතුකර ගන්ට මුල් පෙම නොපිදූ බැවින
දුක්බර සිතට කීවෙමි නොහඩන ලෙසට

එක් පෙති මලක් විය නුඹ මගෙ අත් දෙකට
නෙලා නොගත්තේ මගෙ බෝසත් කමට
හැර ගිය දිනේ නාවත් මා ගම් දොරට
ආවේ ඇයි ද විරහී හිත අද්දරට

සිටිනා කොදෙව්වක නුඹ සැප විදීනම්
මවෙතින් ලැබුණු ආදරයත් ලැබේ නම්
මතකය නුම ට හිරිහැරයක් නොවේ නම්
තව කුමකටද දුක් ගී කල්පනාවන්
තව කුමකටද දුක් ගී කල්පනාවන්
තව කුමකටද දුක් ගී කල්පනාවන්

ගායනය : රොහාන් ශාන්ත බුලේගොඩ

පෙරදාක සුසුමක් හිත රැදී
සෙනෙහසින් පිදුවා මිහිරැති....
සංසාර ගමනේ දුරඇතී....
ගැඹුරුයිද ආදරේ මේ හැටි...
ගැඹුරුයිද ආදරේ මේ හැටි...

හුරුපුරුදු ජීවිතේ තව ඉගිලෙන්න හිතේනවානම්
හෙවනැල්ලවී දිවියේ තුරුලේ රැදී...
කුළුදුල්ම හීනයක් ඒ...මහමෙර වගේ උසනම්.
තවදන්නෙ නෑ නුබත් මගෙ ආදරේ තරම්

පෙරදාක සුසුමක් හිත රැදී
සෙනෙහසින් පිදුවා මිහිරැති....
සංසාර ගමනේ දුරඇතී....
ගැඹුරුයිද ආදරේ මේ හැටි...
ගැඹුරුයිද ආදරේ මේ හැටි...

තනිකඩ හිතේ නැවතිලා පෙම් අරඹුමේ වැහිඅරන්
නොමැකෙන්න සේ සෙනෙහේ සිතුවම් ඇදී....
දුර යනෙන ජීවිතේ දිගු හිමිකම නුබේ ලගනම්
හිත පිරුනු ආදරේ උහුලන්න බැරි තරම්........

පෙරදාක සුසුමක් හිත රැදී
සෙනෙහසින් පිදුවා මිහිරැති....
සංසාර ගමනේ දුරඇතී....
ගැඹුරුයිද ආදරේ මේ හැටි...
ගැඹුරුයිද ආදරේ මේ හැටි...

ගායනය : තීක්ෂණ අනුරාධ

එක කුඩයක් යට ගෑවි නොගෑවී
දවසක් හැන්දෑවේ....
මතකද ඔබ මා පියවර මැන්නා
පිණිමල් වරුසාවේ....
එක කුඩයක් යට ගෑවි නොගෑවී
දවසක් හැන්දෑවේ....
මතකද ඔබ මා පියවර මැන්නා
පිණිමල් වරුසාවේ....

කිසිවකු සමගින් එකට තුරුලු වී
ඉර බැස යන වේලේ...
ඔබ යනු දුටු විට මතකය රිදවයි
අපෙ ඉස්සර කාලේ...
අපෙ ඉස්සර කාලේ...

එක කුඩයක් යට ගෑවි නොගෑවී
දවසක් හැන්දෑවේ....
මතකද ඔබ මා පියවර මැන්නා
පිණිමල් වරුසාවේ....

මද අව් රස්නෙට වුව සෙවනක් ඇත
ඔබ හට අද දවසේ....
වැස්සට අව්වට තනිව මුහුණ දෙමි
මගේ මහිම එලෙසේ.....
මගේ මහිම එලෙසේ.....

එක කුඩයක් යට ගෑවි නොගෑවී
දවසක් හැන්දෑවේ....
මතකද ඔබ මා පියවර මැන්නා
පිණිමල් වරුසාවේ....

ගායනය : වික්ටර් රත්නායක

මගේ ජීවිතේ පුරා...
එකම සිතින් ප්‍රාර්ථනා....
මගේ ජීවිතේ පුරා
එකම සිතින් ප්‍රාර්ථනා
කෙලෙස හෝ වේදනාවෝ..
සඟවා තබා ගමි....
සඟවා තබා ගමි....

සඳ සෙවනේ අපි තරු ගැනලා
ඒ තරමට පැතුමන් පුරලා
සඳ සෙවනේ අපි තරු ගැනලා
ඒ තරමට පැතුමන් පුරලා
කවදාවත් නෑ තරහ වෙලා
අද නෑ....., අද නෑ තාරකාවී
අඳුරෙන් වැසී ගියේ...
අඳුරෙන් වැසී ගියේ...

මගේ ජීවිතේ පුරා
එකම සිතින් ප්‍රාර්ථනා
කෙලෙස හෝ වේදනාවෝ..
සඟවා තබා ගමි....
සඟවා තබා ගමි....

සුදු වැලි යට අද සැතපීලා
ඝන අඳුරින් ලෝකය වැසිලා
සුදු වැලි යට අද සැතපීලා
ඝන අඳුරින් ලෝකය වැසිලා
ඉවසා ගන්නේ කෙලෙසද මා
යළි නෑ......., යළි නෑ ආයෙ එන්නේ
වෙනදා වගේ සදා
වෙනදා වගේ සදා

මගේ ජීවිතේ පුරා
එකම සිතින් ප්‍රාර්ථනා
කෙලෙස හෝ වේදනාවෝ..
සඟවා තබා ගමි....
සඟවා තබා ගමි....///

ගායනය : සේනානායක වේරලියද්ද

වෙනතක යන්න ගියා 
මුලදී මට අතදීලා
කොහොමද ඉන්නෙ ඔයා
මගෙ හිත රිදවාලා....
මගෙ හිත රිදවාලා....//

රැකගෙන හිදී කියා
හැමදාමත් හිතු හින්දා...//
කුළුඳුල් හිතින් නැගුනු
සෙනෙහස ඔබහට බැන්දා
සෙනෙහස මම බැන්දා...

හැඟුම් මත් කළා ඒ නුරා දෑසේ මායා
නැගූ මල් සිනා හද පුරා සුවඳ දීලා
ඉගිලී ගියාදෝ සයුරෙන් එහා
දුර යන්නේ හැංගෙන්නේ මගේ හිත දවාලා
සිනාසෙන්න බෑ නේ
ඔබේ සුවඳ නෑ නේ
කොහේදෝ මා දමා ඉගිලුනේ.. //

නිල්වන් ගැබේහී සඳ හැංගුනා සේ
ඔබ එයිද ආයේ දෑස පේන මානයේ
මල පරවුනා සේ නොපිපේද ආයේ
හද රැන්දු සිහිනේ බොඳ වෙයිද මාගේ
හද විලම සනසන්න දුක මගේ නිවා..ලා
සිනාසෙන්න බෑ නේ..
ඔබේ සුවඳ නෑ නේ...
කොහේදෝ මා දමා ඉගිලුනේ.... //

සංසාර හීනේ ඔබ නේද මාගේ
මේ පෙම් කතාවේ ගිනි ඇවිලිලානේ
හමුවන්න ආයේ පෙරුමන් පුරන්නේ
ගිනි දැවෙන ලෝකයේ මං තනි වෙලානේ
මුණ ගැහුන තැන තාම මම ඉන්නවා...
සිනාසෙන්න බෑ නේ..
ඔබේ සුවඳ නෑ නේ..
කොහේදෝ මා දමා ඉගිලුනේ........ ///
සිනාසෙන්න බෑ නේ.....

ගායනය : රොමේෂ් සුගතපාල

හිත අනන්තයට දුර රැගෙන ගිහින්
නෙතු පියන් පුරා නුඹ රුවම ඇවිත්
මුදු සිහිල් පවන් නුඹේ සුවඳ ගෙනැත්
නුඹ මටත් හොරෙන් මගෙ හිතම අරන්

සේපාලිකා...සේපාලිකා...සේපාලිකා.....

සඳ මණ්ඩලේ සඳ කැන් මැදින්
නුඹ හැංගුනා මතකයි සැරයක්
මුතු වැල් වගේ දිය රැල් දිගේ
නුඹ දුර ගියා තව එක දවසක්

සේපාලිකා...සේපාලිකා...සේපාලිකා.....

නිල් අම්බරේ හැඩ හංගමින්
නුඹ හිනැහුනා මතකයි තවමත්
හද මන්දිරේ දොරගුල් හරිමින්
මම පෙම් කලේ නුඹටයි කවදත්

සේපාලිකා...සේපාලිකා...සේපාලිකා.....

ගායනය : තීක්ෂණ අනුරාධ

සිතින් මා නොසැලී හිදිද්දී
කදුල නුඹ ඇවිදින්
නිවා දැමු ඒ නෙතේ පීඩා
නොබිදිනු මැනවී....

තනිව මා හඩනා වෙලාවේ
සැලි සැලී සීතේ
වැටුණු මහ වරුසා මතක් වේ
නුඹ රැදී දෑසේ

සිතින් මා නොසැලී හිදිද්දී
කදුල නුඹ ඇවිදින්
නිවා දැමු ඒ නෙතේ පීඩා
නොබිදිනු මැනවී....

තවම මා නොදුටු සිනා කැන්
හමුනොවු යාමේ
කදුල මට කරුණාකරන්නැයි
අයදිමී නිබදේ....

සිතින් මා නොසැලී හිදිද්දී
කදුල නුඹ ඇවිදින්
නිවා දැමු ඒ නෙතේ පීඩා
නොබිදිනු මැනවී....

ගායනය : ටී.එම්. ජයරත්න

ඔබ මා හමුවුණ මේ ඉරහද යට
කොතැනක හිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී
ඔබ මා හමුවුණ මේ ඉරහද යට
කොතැනක හිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී......

ඔබ සිත මා සිත හමුවූ දා සිට
මා ලය පීදී පරවූ පෙම් මල
ඔබ සිත මා සිත හමුවූ දා සිට
මා ලය පීදී පරවූ පෙම් මල
සිතින් තුරුළු කර මා මළ දවසට
මගෙ ළග තනියට ඉනු මැනවි

ඔබ මා හමුවුණ මේ ඉරහද යට
කොතැනක හිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී......

කදුල සුසුම නෙහෙලා නොදොඩා අපි
මිරිගු සයුර වෙත පියමන් කළ හැටි
කදුල සුසුම නෙහෙලා නොදොඩා අපි
මිරිගු සයුර වෙත පියමන් කළ හැටි
සිතින් දරාගෙන මා මළ දවසට
මගෙ ළග තනියට ඉනු මැනවි.....

ඔබ මා හමුවුණ මේ ඉරහද යට
කොතැනක හිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී

ගායනය : කරුණාරත්න දිවුල්ගනේ 

රැල්ලෙන් ‍රැල්ලට පාවෙන ඔරුවේ
යන්නම් දියඹට රෑ යාමේ //
අඹු දරුවෝ මා දෙවියො රකීවා
එනතුරු මා උදේමා..

ගොම්මන් රෑ මහ සාගර අඳුරේ 
හෝ හෝ හඬ කැරකේ 
යන්නම් ඈතට මේ කර දියරේ
ඉරණම රෑ ගමනේ
දුර වෙරළේ මේ යාමේ
සැතපේවා මගෙ දරුවෝ
කදමලු වූ පන් පැදුරේ
තනි වේ මා.. සාගරයේ..

‍රැල්ලෙන් ‍රැල්ලට පාවෙන ඔරුවේ
යන්නම් දියඹට රෑ යාමේ //
අඹු දරුවෝ මා දෙවියො රකීවා
එනතුරු මා උදේමා..

ලන්තෑරුම් එළි සුළඟට නිවුණා
කම්පා වේ හද මා
මන්දාරම් වැහි ඈතින් එනවා
මූදේ ජල කළඹා
අසරණයෝ මා වාගේ
දෙවියනි කෝ දිළිඳු මගේ
‍රැකදේවා අසරණ මා
තනිවේ මා සාගරයේ

‍රැල්ලෙන් ‍රැල්ලට පාවෙන ඔරුවේ
යන්නම් දියඹට රෑ යාමේ //
අඹු දරුවෝ මා දෙවියො රකීවා
එනතුරු මා උදේමා..

ගායනය : විජය කුමාරතුංග

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....

වළාකුලකුදු නොමැති අහසේ
මලානික වූ මගෙ සිතුවිලි
ගල් ගැසී ඇත පාළු වී ඇත
අදුර පමණක් රජ වෙලා........

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....

ඔබේ ලෝකය මගේ ලෝකය
අතර ඇත්තේ රැයක් පමණයි
ගව් ගනන් දුර ජීවිතේ බර
මගේ හිස මත බරවෙලා.........

සැඳෑ කළුවර කුර ගගා විත්
ඔබේ පැල්පත මගේ දසුනෙන්
ඈත් වූ සඳ මගෙ සරා සඳ
තනි වෙලා මා තනි වෙලා.....

ගායනය : නන්දා මාලනී

අහන් ඉන්න අහගෙන ඉන්න
මගෙ හිත මොනවද මුමුණනවා...
අහන් ඉන්න අහගෙන ඉන්න
මගෙ හිත මොනවද මුමුණනවා...

යාය පුරා නෙක නෙක පාටින්
මුදු මල් පෙති ඇහැරෙනවා
පොද වැස්සට සීතල ඇවිදින් හිතට එබෙනවා
කෝඩුකාර මල් රේණු අගින් සුවඳ බෙදනවා
ඒ සුවඳින් මගේ හුස්ම රටා මවනවා

අහන් ඉන්න අහගෙන ඉන්න
මගෙ හිත මොනවද මුමුණනවා...
අහන් ඉන්න අහගෙන ඉන්න
මගෙ හිත මොනවද මුමුණනවා...

සිලි සිලියේ හමන සුළඟ කොදුරන්නේ අපටමයි
සතුට මිසක දුක මොකටද සෙනෙහස මහමෙරයි
අමාවකේ දුක දුරලන දහසක් තරු කැට නුඹටයි
ඒ එළියෙන් දැල්වෙන ලෝකය මගේමයි මටමයි

අහන් ඉන්න අහගෙන ඉන්න
මගෙ හිත මොනවද මුමුණනවා...
අහන් ඉන්න අහගෙන ඉන්න
මගෙ හිත මොනවද මුමුණනවා...

ගායනය: මේඛලා ගමගේ

ඔබ වෙනස් වෙලා
ඔබ වෙනස් වෙලා
සිත දුරස් වෙලා
ඔබ වෙනස් වෙලා
ඔබ වෙනස් වෙලා
සිත දුරස් වෙලා
මට නපුරු වෙලා
ඔබ වෙනස් වෙලා....

පිටස්තරයි පිට කෙනෙක් වගෙයි
කිසි දිනෙක ඉතින් හමු නොව්න ලෙසේ
පිටස්තරයි පිට කෙනෙක් වගෙයි
කිසි දිනෙක ඉතින් හමු නොව්න ලෙසේ
මට සිතා ගන්න බෑ තවම නගේ
ආල පිරූ සිත කොහෙද නුඹේ

කාලයක් ගෙවී ලොව වෙනස් වෙවී
ගිය නමුත් මගේ සිත වෙනස් නොවේ
කාලයක් ගෙවී ලොව වෙනස් වෙවී
ගිය නමුත් මගේ සිත වෙනස් නොවේ
අකීකරුයි සිත මටම මගේ හිත
හදා ගන්න බෑ......  ඔබට වගේ.....

ඔබ වෙනස් වෙලා
ඔබ වෙනස් වෙලා
සිත දුරස් වෙලා
ඔබ වෙනස් වෙලා
ඔබ වෙනස් වෙලා
සිත දුරස් වෙලා
මට නපුරු වෙලා
ඔබ වෙනස් වෙලා.........

ගායනය: චන්ද්‍රසේන හෙට්ටිඅරච්චි

මගේ පුංචි රෝස මලේ
මමයි නුඹේ වියපත් බඹරා
නුඹ හීනෙන්වත් නොදකින කුමරා
නුඹ හීනෙන්වත් නොදකින කුමරා

කළුවර රෑ සදක් වගේ
අහසේ නුඹ ඉන්නව නම්
ආසයි මම නොකී කවිය ඔබට කියන්න
තරහක් නැහැ නුඹ බැස යන්න

මගේ පුංචි රෝස මලේ
මමයි නුඹේ වියපත් බඹරා
නුඹ හීනෙන්වත් නොදකින කුමරා
නුඹ හීනෙන්වත් නොදකින කුමරා

මගේ පුංචි නවාතැනේ
ඇවිදින් සැරිසරනවනම්
ආසයි මං කවුළු පියන් ඇරලා තියන්න
තරහක් නැහැ නෑවිත් ඉන්න

මගේ පුංචි රෝස මලේ
මමයි නුඹේ වියපත් බඹරා
නුඹ හීනෙන්වත් නොදකින කුමරා
නුඹ හීනෙන්වත් නොදකින කුමරා

ගායනය: අමරසිරි පීරිස්

ලඟ පාතක නුඹ සිටියා නම්
රැව්වත් බැන්නත් නොදොඩා උන්නත්
අකුරක් නෑරම කියන්න තිබුනා ආදරෙන්
ලඟ පාතක නුඹ සිටියා නම්

විඳින කලට දුක සිරියහනේ
නිදන සිතට නුඹමයි පෙනුනේ
හීන පෙලක මහ නපුරක් කියලා
වසන්තයයි අවරට හැරුනේ
වැරදි කියනවා නොවේ... කුමාරයෝ
වසන්තයයි අවරට හැරුනේ

ලඟ පාතක නුඹ සිටියා නම්
රැව්වත් බැන්නත් නොදොඩා උන්නත්
අකුරක් නෑරම කියන්න තිබුනා ආදරෙන්
ලඟ පාතක නුඹ සිටියා නම්

නුඹම දකිනු රිසි ඇස ඇහැරී
හෙලූ කඳුළු පිනි බිඳු විසිරී
සොඳුරු උයන හද මුවරද සලනා
නුඹේ සෙනේමයි මට මිහිරී
විහිළු කරනවා නොවේ... කුමාරයෝ
නුඹේ සෙනේමයි මට මිහිරී

ලඟ පාතක නුඹ සිටියා නම්
රැව්වත් බැන්නත් නොදොඩා උන්නත්
අකුරක් නෑරම කියන්න තිබුනා ආදරෙන්
ලඟ පාතක නුඹ සිටියා නම්

ගායනය :  ශශිකා නිසංසලා

දසමසක් මා කුසතුල උන් පුතුනේ
දැන් ඉතින් අප වෙන්ව යා යුතුවේ
වීසි කරමි වන ලැහැබට
දෑස පියාගෙන නයි පොලගුන්ගෙන් මවක ලබාවා
වග වලසුන්ගෙන් පියකු ලබාවා

දැඩිවී වග වලසුන් අතරේ
වලසකු වී  අවුදින්  පුතුනේ....
වීසිකරන්නට දරුවන් තනනා
ලොකය කා වනසන් පුතුනේ...

සැතපී නයි පොලගුන් දරණේ
පොලගෙකුවී අවුදින් පුතුනේ...
අහක දමන්නට දරුවන් හදනා
ලෝකය කා වනසන් පුතුනේ....

දසමසක් මා කුසතුල උන් පුතුනේ
දැන් ඉතින් අප වෙන්ව යා යුතුවේ
වීසි කරමි වන ලැහැබට
දෑස පියාගෙන නයි පොලගුන්ගෙන් මවක ලබාවා
වග වලසුන්ගෙන් පියකු ලබාවා

ගායනය : නන්දා මාලනී

සයුරක් නොදු‍ටු ගඟුලක්
කිසිදා ගලන්නේ නෑ
වෙරළක් අහිමි සයුරක්
කිසිදා හඬන්නේ නෑ.......//

කඳුලක් නොසැලු නෙතකින්
හස‍රැල්  සොයන්නෙපා...// 
ලැබුනත් බිඳුනු හදකින්
සෙනෙහස සොයන්නෙපා...

සයුරක් නොදු‍ටු ගඟුලක්
කිසිදා ගලන්නේ නෑ
වෙරළක් අහිමි සයුරක්
කිසිදා හඬන්නේ නෑ.......//

සිසිලක් නොමැති අහසින්
වැසි දිය යදින්නෙපා.....//
ලැබුනත් බිඳුනු හදකින්
සෙනෙහස සොයන්නෙපා 

සයුරක් නොදු‍ටු ගඟුලක්
කිසිදා ගලන්නේ නෑ
වෙරළක් අහිමි සයුරක්
කිසිදා හඬන්නේ නෑ...//

ගායනය :සුනිල් එදිරිසිංහ

වෙනදා වගෙ අදත්
මා නො එන බව දැන තවත්
මග බලාගෙන හිටිය ඇති දැන්
එන්න වෙන්නෑ මට අදත්
පාට දේදුනු බැද විමන්
හීන මල් පෙති අතුරමින්
තැනූ යහනේ නිදා ගන්න
ලගින් ඉන්නම් රත්තරං

උණුහුම ඒ මා තමා
සුළගක් වී එනව මා
ඔබෙ තුරුලෙම දැවටිලා
සුපුරුදු සුවදක් වෙලා
සංසාරේ යලි කවදා හෝ
හමුවේවි නම් අපි ආයේ
සපුරා තහනම් නොවේ
ආයෙමත් මට ආදරේ

වෙනදා වගෙ අදත්
මා නො එන බව දැන තවත්
මග බලාගෙන හිටිය ඇති දැන්
එන්න වෙන්නෑ මට අදත්
පාට දේදුනු බැද විමන්
හීන මල් පෙති අතුරමින්
තැනූ යහනේ නිදා ගන්න
ලගින් ඉන්නම් රත්තරං

දකින්න ආසයි වෙනදා මෙන්
හිනා වෙන්න මදකට හොරෙන්
හිතා මතා ගියෙනෑ ඉතින්
තවමත් ඔබ ලග මං සිතින්
සංසාරේ යලි කවදා හෝ
හමුවේවි නම් අපි ආයේ
සපුරා තහනම් නොවේ
ආයෙමත් මට ආදරේ

වෙනදා වගෙ අදත්
මා නො එන බව දැන තවත්
මග බලාගෙන හිටිය ඇති දැන්
එන්න වෙන්නෑ මට අදත්
පාට දේදුනු බැද විමන්
හීන මල් පෙති අතුරමින්
තැනූ යහනේ නිදා ගන්න
ලගින් ඉන්නම් රත්තරං

ගායනය : රවින්ද්‍ර මීගමආරච්චි

දුර යන්න සිතුවාට සැගවී හොරෙන් 
ඔබ නැතුව මම ඉන්නේ කොහමද ඉතින් 
වාවන්න බැරි කදුළු ආවත් නෙතින් 
හුස්මක් දුරින් ඉන්න මට බෑ ඔබෙන්...
හුස්මක් දුරින් ඉන්න මට බෑ ඔබෙන්...

අවතැන් වෙලා ලැමතුරේ පෙම් හැගුම් 
හිනෙකින් හෝ තවකෙකුට ඔබ නොදෙමි මං
එක්වෙන්න සංසාරේ පිං මදිව නම් 
අපි දෙන්නා එක තැනම මිය යමු ඉතින්...
අපි දෙන්නා එක තැනම මිය යමු ඉතින්...

දහසක් නුවන් මා දෙසම නපුරෙන් බලන් 
ඉන්නා නිසා හමුවෙන්න  බෑ අපට දැන් 
එක්වෙන්න සංසාරේ පිං මදිව නම් 
අපි දෙන්නා එක තැනම මිය යමු ඉතින්..
අපි දෙන්නා එක තැනම මිය යමු ඉතින්..

දුර යන්න සිතුවාට සැගවී හොරෙන් 
ඔබ නැතුව මම ඉන්නේ කොහමද ඉතින් 
වාවන්න බැරි කදුළු ආවත් නෙතින් 
හුස්මක් දුරින් ඉන්න මට බෑ ඔබෙන්...
හුස්මක් දුරින් ඉන්න මට බෑ ඔබෙන්...

ගායනය: ශෂිකා නිසංසලා

ආදරෙයි කියා මා හදවතට ලංවෙලා..
කීව පෙම් කතා මා සිත පාරවයි සදා
ආදරෙයි කියා මා හදවතට ලංවෙලා..
කීව පෙම් කතා මා සිත පාරවයි සදා
ආදරයක් හරි හැටි අදුනන්නෙ නැහැ ඔයා..
කිසිම දිනෙක ආදරෙයි කියා කියන් එපා..

සැදු කූඩු සුලගට බිම කඩා බිද වැටී
හෙලූ කදුලු සයුරේ පාවෙලා යන්නැතී...
සැදු කූඩු සුලගට බිම කඩා බිද වැටී
හෙලූ කදුලු සයුරේ පාවෙලා යන්නැතී...
රුවේ තියෙන ලස්සන හදවතේ නෑ ‍රැදී
දෙන් එපා දුකක් වෙන කිසිවෙකුට මේ වැනී..

ආදරෙයි කියා මා හදවතට ලංවෙලා
කීව පෙම් කතා මා සිත පාරවයි සදා..
ආදරයක් හරි හැටි අදුනන්නෙ නැහැ ඔයා..
කිසිම දිනෙක ආදරෙයි කියා කියන් එපා..

හිතේ තියෙන තනිකම කිසිදා නොයයි මැකී..
පෙම් බැදි සිත වෙන කෙනෙකුට පුදන්නට බැරී..
හිතේ තියෙන තනිකම කිසිදා නොයයි මැකී..
පෙම් බැදි සිත වෙන කෙනෙකුට පුදන්නට බැරී..
නුඹේ සුවද මා ලග සැමදාම ඇත ‍රැදී..
හිතෙ දුකට මේ ගීවැල් කියවෙන්න ඇතී..

ආදරෙයි කියා මා හදවතට ලංවෙලා..
කීව පෙම් කතා මා සිත පාරවයි සදා
ආදරෙයි කියා මා හදවතට ලංවෙලා..
කීව පෙම් කතා මා සිත පාරවයි සදා
ආදරයක් හරි හැටි අදුනන්නෙ නැහැ ඔයා..
කිසිම දිනෙක ආදරෙයි කියා කියන් එපා.....///

ගායනය: ප්‍රදීප් කුමාර

පිණි වැටුන තරු යාය
මා ගාව සිටියාය
නුඹ තාම සිහිනේ රැදේ...
නිල් දෑස ලග ඉන්න අවසරද මට තවම
නිල් දෑස ලග ඉන්න අවසරද මට තවම
තරු යාය සේ නිල් ගැබේ..
තරු යාය සේ නිල් ගැබේ...

පෙරදාක ලග උන්නු සදවතක රුව ඇන්දු
නුඹගේ සෙනෙහේ මගේ....
තව ලන්ව ලග ඉන්න
මහදේම  සැතපෙන්න
සද සාවි සේ තරු ගැබේ..
සද සාවි සේ තරු ගැබේ...

දුර ඈත ගෙනියන්න
මගෙ ලොවට පිවිසෙන්න
නුඹගේ සෙනෙහේ මගේ...
තව ලන්ව දුර යන්න
සිත ගාව නවතින්න
තරු කොමලි සේ නිල් ගැබේ..
තරු කොමලි සේ නිල් ගැබේ...

පිණි වැටුන තරු යාය
මා ගාව සිටියාය
නුඹ තාම සිහිනේ රැදේ...
නිල් දෑස ලග ඉන්න අවසරද මට තවම
නිල් දෑස ලග ඉන්න අවසරද මට තවම
තරු යාය සේ නිල් ගැබේ..
තරු යාය සේ නිල් ගැබේ...

ගායනය : නලීන් විජයසිංහ

මගෙ හීනයෙ ළඟ ඉන්නට ඔබ තවමත් නැතිවාදෝ
සිත් මානයෙ දැවටෙන්නට මගෙ උණුහුම මදිවීදෝ
ආදරේ මට නම් ඇයි විරහ සරදම්
ජීවිතේ මම නම් ඇයි කඳුලු මෙතරම්

නෙතු මුතු කැට වැටෙන තරම් හිත මත දඟකෙරුව තරම්
උණුහුම හිත හැදුව තරම් රැවටුණු හැටි මා මෙතරම්
හිත හඬන තරම් ඔබ දන්නවනම් තව කඳුලු දිදී රිදවන්නෑ
මා දැවෙන තරම් ඔබ දන්නෑ.....


මගෙ හීනයෙ ළඟ ඉන්නට ඔබ තවමත් නැතිවාදෝ
සිත් මානයෙ දැවටෙන්නට මගෙ උණුහුම මදිවීදෝ
ආදරේ මට නම් ඇයි විරහ සරදම්
ජීවිතේ මම නම් ඇයි කඳුලු මෙතරම්

නොමියෙන මල් මතක පෙති එක එක බිඳ දැමුව හැටි
නෙතු අග තෙත රැඳුනෙ නිති මගෙ වරදම වෙන්න ඇති
හුරු සිනහ සිතින් ඔබ ඉන්නවනම් තව කඳුලු කතා පවසන්නෑ
මේ කඳුලු මගෙ දැන් දුක නෑ


මගෙ හීනයෙ ළඟ ඉන්නට ඔබ තවමත් නැතිවාදෝ
සිත් මානයෙ දැවටෙන්නට මගෙ උණුහුම මදිවීදෝ
ආදරේ මට නම් ඇයි විරහ සරදම්
ජීවිතේ මම නම් ඇයි කඳුලු මෙතරම්..

ගායනය: උදය ශ්‍රී 

ඔබ මගේ කියා
මම හිතේ තියාගෙන උන්නා....
එය කියන තුරා මට ඇසෙන තුරා
මග බලමින් මම උන්නා...
ඔබ මගේ කියා
මම හිතේ තියාගෙන උන්නා....
එය කියන තුරා මට ඇසෙන තුරා
මග බලමින් මම උන්නා...

කල්පනා... කල්පනා.... කල්පනා....
ආදරේ..... කල්පනා...
සුන්දරයි..... හිත ඇති තුරා...

සුදු වළා ඉරා සඳපාන එබීගෙන උන්නා...
සඳ ගෙවේන තුරා ඔබ දකින තුරා
කාටත් නොකියාම උන්නා....
දිවිපුරා... දිවිපුරා... මම සදා... මම සදා...
මතකේ ඇති තුරා... ආදරේයි හදවත පුරා...

නේක ආල කතා මම කියන ගොතාගෙන උන්නා
සිත රහස් අපේ අපි දන්න නිසා
දැසින් දොඩමළු වෙන්නා
සිත සිතා... සිත සිතා... සිටි පතා මම නිසා..
ආදරේ... පිරි සිනා ඔබ නිසයි හිදිනා තුරා.......

ගායනය : උපේකා නිර්මාණී

මම මොකුත් කියන්නෙම නෑමයි...
හිත රිදෙන කතන්දර බෝමයි...
ඔබව තේරුම් ගන්නම බෑමයි...
වෙන් වෙන්න හිතන්නෙත් ඔබමයි...
වෙන් වෙන්න හිතන්නෙත් ඔබමයි...

මෘදු සරා සඳේ සිහිලැල්ලේ...
හිරු කිරණ ගෙනෙන අරුණැල්ලේ...
මුතු පින්න පිපුනු තණනිල්ලේ...
හමුවුනා එදා සැනසිල්ලේ...
මුතු පින්න පිපුනු තණනිල්ලේ...
හමුවුනා එදා සැනසිල්ලේ...

මම මොකුත් කියන්නෙම නෑමයි...
හිත රිදෙන කතන්දර බෝමයි...
ඔබව තේරුම් ගන්නම බෑමයි...
වෙන් වෙන්න හිතන්නෙත් ඔබමයි...
වෙන් වෙන්න හිතන්නෙත් ඔබමයි...

ඒ මිහිරි අතීතය නිමවී...
නෙතු කදුළු වලින් යමු වෙන්වී...
ඔබ ගියත් කෙනෙකු හා ලංවී...
මා ඉන්නම් සැමදා තනිවී...
ඔබ ගියත් කෙනෙකු හා ලංවී...
මා ඉන්නම් සැමදා තනිවී...

මම මොකුත් කියන්නෙම නෑමයි...
හිත රිදෙන කතන්දර බෝමයි...
ඔබව තේරුම් ගන්නම බෑමයි...
වෙන් වෙන්න හිතන්නෙත් ඔබමයි...
වෙන් වෙන්න හිතන්නෙත් ඔබමයි...

ගායනය : රොෂාන් ප්‍රනාන්දු

මේ ගී.... කාටදැයි
මේ ගී.... කාටදැයි
ඔබ දන්නවා ඇති.. සිත මගේ පිදු හැටී
සිහිවේ... නොනැවතී...

මේ ගී.... කාටදැයි
මේ ගී.... කාටදැයි
ඔබ දන්නවා ඇති.. සිත මගේ පිදු හැටී
සිහිවේ... නොනැවතී...
මේ ගී.....

සිතු පැතු අන්දම රෑ.. දිවා
අමුතුම ලොවක් මවා
මට මා අමතක වූවා.. සිහිය පැන දිවා..
බලාපොරොත්තුවෙ කඩතිර ඉරා
පාළුව විද දරා...
ඉවසමි දිවි තුරා....

මේ ගී.... කාටදැයි
මේ ගී.... කාටදැයි
ඔබ දන්නවා ඇති.. සිත මගේ පිදු හැටී
සිහිවේ... නොනැවතී...
මේ ගී....

එකම හිනාවට ගී දහක්
බිහි වේ මාගේ මුවින්...
ඇති උනි නම් අවබෝදේ..
අද මේ විලස නොවේ...
කොතැනක හිටියද මෙම ලෝ තලයේ
රකිමි හැම කලේ...
සිහි වේ හැම වෙලේ...

මේ ගී.... කාටදැයි
මේ ගී.... කාටදැයි
ඔබ දන්නවා ඇති.. සිත මගේ පිදු හැටී
සිහිවේ... නොනැවතී...

මේ ගී....

ගායනය :  එච්.ආර්. ජෝතිපාල

රටකින් එහා ඉගිලී තනිවෙන්න බෑ....
සිතකින් නොවේ කිසිදා හැර යන්නේ මා
අද මෙන් ලදේ හෙට නෑ හමු වෙන්නේ මා
ගෙන යමි ඔබේ ආදරේ..... ආදරේ.......

නා දළු දෙතොල් හසරැළි මත වෙලී
ආ ගිය ගමන් සිහිව එයි යලි යලී
අසමාන වු ඒ අප ආදරේ......
කිසිදා බිදෙන්නෑ සැකයක් නැනේ...

රටකින් එහා ඉගිලී තනිවෙන්න බෑ...
සිතකින් නොවේ කිසිදා හැර යන්නේ මා...

අතිනත වෙලා පටලලා රන් හුයෙන්...
ඔබ ගෙන යමි සපුරලා සිතු පැතුම්...
හෙට ඒ දිනේ දී සයුරෙන් එහා...
පිළිගන්නවාදෝ පැමිණි වහා...


රටකින් එහා ඉගිලී තනිවෙන්න බෑ....
සිතකින් නොවේ කිසිදා හැර යන්නේ මා
අද මෙන් ලදේ හෙට නෑ හමු වෙන්නේ මා
ගෙන යමි ඔබේ ආදරේ..... ආදරේ.......


ගායනය : ප්‍රියා සූරියසේන

ඇස් ආදරෙන් පුරෝනා
හිත පාලුවෙන් ගලෝනා
ඔබ මගෙම වෙන්න ඕනා
මියැදෙන්න දෙන්න උනුහුමේ ඔබේ....
මා හදවතින්ම උමතු වී තියේ...........//

ඔබ සිහිවන හැම මොහොතක් ගානේ
දැකගන්නට ඔබ මා ළඟ නෑනේ
නුදුරේදිම කරගන්නට මාගේ
අවසර දෙන්නට පමණයි ඕනේ
ඉඩ දෙන්නම් පපුතුරේ
නැලවෙනු මැන සොඳුරියේ
මට ඔබම තමයි ඕනා.....

ඇස් ආදරෙන් පුරෝනා...

රැක ගන්නම් ජීවිතයම වාගේ
එකසැරයක් හද ගත්තානම් මාගේ
සැනසෙන්නට හැමදාමත් ආයේ
එනවද හිමිකම ගන්නට මගෙ හීනේ
නොසිඳෙන මහ සාගරේ
තරමට මගේ ආදරේ
මට ඔබම තමයි ඕනා

ඇස් ආදරෙන් පුරෝනා...

ගායනය :  කවීශ කවිරාජ්

සොදුරු අතීතයේ නිමල පැතුම වී
මගේ හද තුල ඔබ ඉන්න ඇතී...
ඒ හින්දා යලි සෙනෙහෙ සිතින් අපි
ආදරයෙන් හමු වෙන්න ඇතී.......//

කදුලු සුසුම් මැද සතුටු සිනා මැද
භවය පුරා ලග ඉන්න ඈතී...
එදත් මගේ සිත අද මෙන් කැපවී
ඔබේ නමට පුද දෙන්න ඈතී.....


සොදුරු අතීතයේ නිමල පැතුම වී
මගේ හද තුල ඔබ ඉන්න ඇතී...
ඒ හින්දා යලි සෙනෙහෙ සිතින් අපි
ආදරයෙන් හමු වෙන්න ඇතී.....


නොසෑලී නොතෑවී බාධක හමුවේ
ආ හින්දා ජය ගන්න ඇතී....
ආත්ම ගනනේ පුරුදු ලෙසින් අපි
මේ අයුරින් හමු වෙන්න ඇතී.....

සොදුරු අතීතයේ නිමල පැතුම වී... ///

ගායනය : ටී.එම්. ජයරත්න

අම්මා සඳකි මම ඒ ලොව හිරුය රිදී
ඒ ඉර හඳින් නුඹෙ ලෝකය එලියනුනි
රැකුමට පුතුන් දිවියේ දුක් ගැහැට විඳි
පිය සෙනෙහසට කව් ගී ලිය උනා මදි.....

සිරුරේ දුවන්නේ මගෙ ලේ නොවැ පුතුනේ
කුසයේ නොදැරුවත් දිවි බර මම දැරුවේ
මහමෙරකට උසයි දරු පෙම හද පතුලේ
පුදුමයි පුතුනි කිම මගෙ ලේ කිරි නොවුනේ......

මවකට මුවාවී නුඹ වෙත දිවි දුන්නේ
මම වෙමි පුතුනි එය මා පමණයි දන්නේ
පිය සෙනෙහස නැතිද දරුවනි හඳුනන්නේ
අම්මාවරුන් පමණද මතු බුදුවන්නේ.....

ගායනය : ටී.එම්. ජයරත්න

ඔයා නිසා හඬලා...
මගේ ඇසුත් රිදුනා...
තරහා වෙලා හැර ගියදා
පාලුවේ උන්නේ...
වේදනා දැනුනේ..........//

සිහි කරලා ඔබ ගැන මා හඬලා...
තව මට නෑ සැනසිල්ලක් ලැබිලා...
පෙම බිඳලා ඔබ ගියදා ඉඳලා...
තනිවීලා ඉන්නේ සැමදා...
ඉන්නේ සැමදා.........

ඔයා නිසා හඬලා...
මගේ ඇසුත් රිදුනා...
තරහා වෙලා හැර ගියදා
පාලුවේ උන්නේ...
වේදනා දැනුනේ...........

සෙනෙහස මා මඳ සුළඟක් කරලා...
පා කෙරුවා එන ලෙස ඔබ සොයලා...
සුසුමක් වී ඒ සුළඟේ එතිලා...
එනු මැනවි මා හා බැඳිලා...

ඔයා නිසා හඬලා...
මගේ ඇසුත් රිදුනා...
තරහා වෙලා හැර ගියදා
පාලුවේ උන්නේ...
වේදනා දැනුනේ...........

ගායනය : රොෂාන් ප්‍රනාන්දු

දුක දන්නේ වෙන කවුද ඇස් දෙක තරම්
මම උන්නේ ඔබෙ වෙන්න අත් දෙක අරන්
එනමුත් අපේ කරුමේ එක්කලා තවත්
සැනසෙන්න බෑ එතුල ඇත්තෙම දුකක්
දුක දන්නේ වෙන කවුද ඇස් දෙක තරම්.........

හැර යන්න ආදරයේ නිර්මල පැතුම්
පාරන්න හිතුවාද ඇතිකර ගැටුම්......//
වැළපෙන්න බැරි හිතට මේ හැටි රිදුම්
පෑහෙන්නේ නෑ වැරදිකාරියේ ඉතින්....
දුක දන්නේ වෙන කවුද ඇස් දෙක තරම්.......

ගනඳුරට පෙම් බඳින තරු යායට
මල් යාය විකසිත වෙලා කුමකට....//
මං ආයේ හිනැහෙන්න උර මඬලට
ළංවෙන්නේ නෑ කඳුළු පූජා කර....

දුක දන්නේ වෙන කවුද ඇස් දෙක තරම්
මම උන්නේ ඔබෙ වෙන්න අත් දෙක අරන්
එනමුත් අපේ කරුමේ එක්කලා තවත්
සැනසෙන්න බෑ එතුල ඇත්තෙම දුකක්
දුක දන්නේ වෙන කවුද ඇස් දෙක තරම්.......

ගායනය : රොෂාන් ප්‍රනාන්දු

හදවත ඉල්ලා නොලෑබුන විටදි
දහසක් සිතුවිලි මා හද තුල තෙරපි...
මිතුරිය ඔබ කෙලසක හො අමතක කරමි
නොපිරෙන පෙරුමන් පුරලා කුමටද ලතෑවි...

ඔය නෙතු අග රෑදි තිබු
නිල්මිනි ජායා.....
දෑක මා හදවත සසෑලි
සෙනෙහස කිවා......

හදවත ඉල්ලා නොලෑබුන විටදි
දහසක් සිතුවිලි මා හද තුල තෙරපි...
මිතුරිය ඔබ කෙලසක හො අමතක කරමි
නොපිරෙන පෙරුමන් පුරලා කුමටද ලතෑවි...

මතු අප උපදින භවයේ
යලි හමුවේවා......
ඔය නෙතු අග සිසිල
දැනී
මට ලං වේවා......

හදවත ඉල්ලා නොලෑබුන විටදි
දහසක් සිතුවිලි මා හද තුල තෙරපි.....
මිතුරිය ඔබ කෙලසක හො අමතක කරමි
නොපිරෙන පෙරුමන් පුරලා කුමටද ලතෑවි....

ගායනය : ප්‍රියා සූරියසේන

මිණි කිංකිණි හඬ පරදා මේ ගැල් ගමනේ
කළුවර කතරේ කඳූ වැටි මානේ
දුක් ගී රාවෙ සවනත පෑරේ සුදු මැණිකේ
මිණි කිංකිණි හඬ පරදා මේ ගැල් ගමනේ


පාළුවේ පාවී හපුතල් කන්දේ
පුරහඳ නැගුනේ මේ දිගු ගමනේ
තව දුර වැඩිවේ ගව්වෙන් ගව්වේ
ඔබ නැති ගම්මානේ මේ දුර නෑඟේ


මිණි කිංකිණි හඬ පරදා මේ ගැල් ගමනේ
කළුවර කතරේ කඳූ වැටි මානේ
දුක් ගී රාවෙ සවනත පෑරේ සුදු මැණිකේ
මිණි කිංකිණි හඬ පරදා මේ ගැල් ගමනේ


සීපදේ රාවේ සියොළඟ සසැලේ
ඔබෙ සිත සැඟවේ දාහය උතුරා
උණුසුම ඔබගේ සිරුරේ දැවටේ
නෑ හිරු පායන්නේ නෑ මට ආයේ


ගායනය : විජය කුමරතුංග

නොදැක ඉන්න බෑ මටනම් මගෙ ආදරී
නොලැබ ඉන්න බෑ තවනම් ඔබෙ ආදරී
නොසිත ඉන්න බෑ මටනම් කිසිදා ළඳේ
නොවිඳ ඉන්න බෑ ඔබෙ ආදරේ

නොදැක ඉන්න බෑ මටනම් මගේ ආදරී.....

පැහැදුල් කතා මතකේ වෙලා
දෙනුවන් තෙමා පියමන් කලා
පෙර පෑ සිනා පාවී ගියා මා හැරදමා
සිහිවේනවා ඔබ කී කතා මුළු රෑ පුරා
මතකේ දරා හිඳිමී සදා...
මතකේ දරා හිඳිමී සදා...

මිහිදුම් වලා සළුවෙන් වෙලා
පැතුමන් දරා රකිමී සදා
පෙර පෑ සිනා පූජාකලා අදුරේ තියා
සගවා දොවා මේ වේදනා යලි එනතුරා
දිවියේ පුරා හිඳිමී බලා...
දිවියේ පුරා හිඳිමී බලා...

නොදැක ඉන්න බෑ මටනම් මගෙ ආදරී....

විකසිත වත කමලේ
නෙත් බඹරුන් පැටලේ
බැල්මට නෙතු සගලේ
සිත සිතුවිලි සසලේ
ලදුලේ මා දකිනා
සිහිනේ හද සැලුනා ..//

ඈත නීල අහසේ
පාට දේදුණු දහසක්‌ පායාලා
මාගේ ජීවිතේ සැණකෙලියක්‌ වාගේ
ඒ ආදරේ ..

විකසිත වත කමලේ ...

දෑස සිහින රේකා
කීවේ නෑ සුර රහසක්‌ කොදුරාලා
මාගෙ ජීවිතේ මල් උයනක්‌ වාගේ
ඒ ආදරේ ..

විකසිත වත කමලේ ...

ගායනය :- සනත් නන්දසිරි

සඳගල නුවර එන්න අවසර වරම්
දෙන්නරෑ සඳ වෙලා ඉන්න
නුඹ එනවද කියන්න
කින්නරාවියේ ...

සඳ දිය ඉවුරු ඉඹින ගඟබඩ තුරු සෙවණේ
හිත උණුසුම් කරන්න හදවත ළඟින් ඉන්න
නුඹ එනවද කියන්න
කින්නරාවියේ ...

අත්වැල් බැඳන් එකට පියවර මැන යන්නට
කින්නර දා වත යළි නුඹෙ නාමෙන් ලියන්න
නුඹ එනවද කියන්න
කින්නරාවියේ ...

ගායනය :- සුනිල් එදිරිසිංහ