ළඳුනේ...ළඳුනේ...
ඔබේ දෑස දැක ගත්තෙමි
සැඳෑකලෙක ළඳුනේ..ළඳුනේ
දෙනෝදහක් අතගත්තද
සැමියෙක් නැති ළඳුනේ
නෑයෙක් නෑකම නොකියන
වීදි සරන ළඳුනේ..ළඳුනේ..
තෙල්මල් ගෙන දෝත පුරා
මුණි කුටියට පියමංවන
ඔබේ දෑස දැක ගත්තෙමි
සැඳෑකලෙක ළඳුනේ..ළඳුනේ
බුදුන් දැක නිවන් දකිමැයි දෙව්රම් යන පාර අහන
ඔබද පටාචාරාවකි ඔබද කිසාගෝතමියකි
පිරිමින්ගේ පාප කඳට දෝස විඳින ළඳුනේ
අඳුරේ පවු කරන දනා එළියෙ රවන ළඳුනේ
ලැම පමණක් ලොවට පෙනෙන ළය නොපෙනෙන ළඳුනේ
කුහුඹුවකුට වරදක්නැති වැරදිකාර ළඳුනේ
ගායනය : අමරසිරි පීරිස්
Labels: අමරසිරි පීරිස්
0 Comments:
Subscribe to:
Post Comments (Atom)
